Kuch main ne kahii hai na Abhi us ne sunii hai
— Arzoo Lakhnavi
Kuch main ne kahee hai na abhee us ne sunee hai
Chitvan hai ki talvaar liye sar pe khaDee hai
Aane ko hai koee jo lalak phir se huee hai
Duube hue sooraj kee kiran phuuT rahi hai
Hai pighlee huee aag ki jalte hue aansoo
Luukaa vaheen uTThaa hai jahaan buund paDee hai
Jab sukh naheen jiine men to ik rog hai jiinaa
Saans aa.ee hai jab choT kaleje men lagee hai
Kal kya kahen dekheen wo badaltee huee chitvan
Sau aasare TuuTe hain to ik aas bandhee hai
Main Kuch na kahoon aur wo jo chaahe kahe jaa.en
Ab rokee huee saans galaa ghoonT rahi hai
Kahne ko to aatee hai unhen haan bhee naheen bhee
Ho jis pe bharosa na vahee hai na yahee hai
Ubhre hue chhaale hain hai rokaa huaa aansoo
Bas bujh chukee ye aag ki paanee se lagee hai