maasuum nazar kaa bholaa pan lalchaa ke lubhaanaa kya jaane

Ma.asoom nazar kaa bholaa-pan lalchaa ke lubhaanaa kya jaane Dil aap nishaana bantaa hai wo tiir chalaanaa kya jaane Kah jaatee hai kya wo cheen-e-jabeen ye aaj samajh sakte hain kaheen Kuch seekhaa huaa to kaam nahin dil naaz uThaanaa kya jaane ChaTkee jo kalee koyal kuukee ulfat kee kahaanee khatm huee Kya kis ne kahee kya kis ne sunee ye bataa zamaana kya jaane Thaa dair-o-haram men kya rakhaa jis samt gaya Takraa ke phiraa Kis parde ke peechhe hai sho.ala andhaa parvaana kya jaane Ye zoraa-zoree ishq kee thee fitrat hee jis ne badal Daalee Jaltaa huaa dil ho kar paanee aansoo ban jaanaa kya jaane Sajdon se paDaa patthar men gaDhaa lekin na miTaa maathe kaa likhaa Karne ko ghareeb ne kya na kiyaa taqdeer banaanaa kya jaane Aankhon kee andhee khud-gharzee kaahe ko samajhne degee kabhi Jo niind uDaa de raaton kee wo khvaab men aanaa kya jaane Patthar kee lakeer hai naqsh-e-wafa aa.eena na jaano talvon kaa Lahraayaa kare rangeen-sho.ala dil palTe khaanaa kya jaane Jis naale se Dunya bekal hai wo jalte dil kee mash.al hai Jo pahlaa luukaa khud na sahe wo aag lagaanaa kya jaane Ham 'aarzoo' aa.e baiThe hain aur wo sharmaa.e baiThe hain Mushtaaq-nazar gustaakh nahin parda sarkaanaa kya jaane