mire josh e gam ki hai ajab kahaanii

Mire josh-e-gham kee hai ajab kahaanee Kabhee uThtaa sho.ala kabhee bahtaa paanee Hai khushee kaa sauda khalish-e-nihaanee Hai jigar kaa chhaalaa samar-e-javaanee Jo khushee hai faanee to hai gham bhee faanee Na ye jaavedaanee na wo jaavedaanee Azalee mohabbat abadee kahaanee Ki pas-e-fanaa hai na.ee zindagaanee Sitam-o-razaa men ye hai ahd-e-mohkam Jo tiree kahaanee wo maree kahaanee Wo uThenge toofaan ki khuda bachaa.e Ye na.e nazaare ye bharee javaanee Ye nigaah tirchhee ye bal abrooon kaa Har adaa hai dilkash magar imtihaanee Miree kashti-e-dil dam-e-aah-o-afghaan Kabhee baadbaanee to kabhee dahaanee Dar-e-dil se palTaa har ik aane vaalaa Tiree yaad kya thee miree paasbaanee Ye tiraa talavvun ye badaltee chitvan Ajab ik balaa hai ki hai naa-gahaanee Miree kisht-e-dil par pa-e-zhaala-baaree Hai saped baadal aqab-e-javaanee Kabhee aarzoo thaa yahee daagh-e-hasrat Mujhe jo banaa de tiree mehrbaanee