naale majbuuron ke khaalii nahin jaane vaale

Naale majbooron ke khaalee naheen jaane vaale Hain ye sotaa huaa insaaf jagaane vaale Had se Takraatee hai jo shai wo palaTtee hai zaroor Khud bhee ro.enge ghareebon ko rulaane vaale Chup hai parvaana to kya sham.a ko khud hai iqraar Aap hee jalte hain auron ko jalaane vaale 'aarzoo' zikr zabaanon pe hai ibrat ke liye MiTne vaale hain na baaqee hain miTaane vaale