paanii men aag dhyaan se tere bhadak gaii

Paanee men aag dhyaan se tere bhaDak ga.ee Aansoo men kaundtee huee bijlee jhalak ga.ee Kab tak ye jhooTee aas ki ab aa.e wo ab aa.e Palken jhukeen papoTe tane aankh thak ga.ee Khilnaa kaheen chhupaa bhee hai chaahat ke phuul kaa Lee ghar men saans aur galee tak mahak ga.ee Aansoo ruke the aankh men dhaDkan kaa ho buraa Aisi takaan dee kee pyaalee chhalak ga.ee Meree sanak bhee baDhtee hai un kee hansee ke saath ChaTkee kalee ki paanv kee beDee khaDak ga.ee