pher jo padnaa thaa qismat men wo hasb e maamuul padaa

Pher jo paDnaa thaa qismat men wo hasb-e-ma.amool paDaa Khanda-e-gul se uDaa wo sharaara khirman-e-dil par phuul paDaa Dekh idhar o niind ke maate kis kee achaanak yaad aa.ee Biich se TuuTee hai Angdhaai haath uThte hee jhuul paDaa Husn-o-ishq kee an-ban kya hai dil ke phansaane kaa phandaa Apne haathon khud aafat men jaa ke ye naa-maaqool paDaa Kaun kahe qismat palTee yaa mat palTee sailaanee kee Rasta kaaT ke jaane vaalaa aaj idhar bhee bhuul paDaa Haal naheen jiine ke qaabil aas naheen marne detee EDiyaan ragDe aakhir kab tak khaak par ik maqtool paDaa Jitne husn-aabaad men pahunche hosh-o-khirad kho kar pahunche Maal bhee to itne kaa naheen ab jitnaa Kuch mahsool paDaa Raah-e-wafa thee TeDhee bigDee thee har gaam uftaad na.ee Paanv kisee kaa Toot gaya aur haath kisee kaa jhuul paDaa Baagh men gulcheen hai na hai maalee bijlee hai na falak pe sahaab Ahd-e-khizaan men jalaa hai nasheman aa ke kahaan se phuul paDaa Paanv kee taaqat taaq huee to band kee aankh aur jaa pahunche 'aarzoo' us ko khuub kiyaa kam raaste men jo tuul paDaa