waada sachchaa hai ki jhuutaa mujhe maaluum na thaa

Va.ada sachchaa hai ki jhooTaa mujhe ma.aloom na thaa Kal badal jaa.egee Dunya mujhe ma.aloom na thaa Husn hai mashghala-e-zulm ko gahraa parda Pas-e-parda hai andheraa mujhe ma.aloom na thaa Ishq wo shai hai ki charke bhee maza dete hain Varna qaatil hain haseen kya mujhe ma.aloom na thaa Dil kee zid is liye rakh lee thee ki aa jaa.e qaraar Kal ye Kuch aur kahegaa mujhe ma.aloom na thaa JhooTee ummeedon ne kya kya na hare baagh lagaa.e Vaqt jhonkaa hai havaa kaa mujhe ma.aloom na thaa Jitne qismat ke sahaare the wo jhooTe nikle Hai bandhee muTThiyon men kya mujhe ma.aloom na thaa Barson bhaTkaa kiyaa aur phir bhee na un tak pahunchaa Ghar to ma.aloom thaa rasta mujhe ma.aloom na thaa Raaz-e-gham faash na ho is liye rokee thee zabaan Chup bhee rah kar yahee hogaa mujhe ma.aloom na thaa Dil maze letaa hai jis gham ke wo hai kaahish-e-jaan Zahr bhee hota hai meeThaa mujhe ma.aloom na thaa Ishq-aabaad ke naake hee se rukhsat hue hosh Hai ye deevaanon kee Dunya mujhe ma.aloom na thaa Hogaa imroz kee soorat men zuhoor-e-fardaa Va.ada yuun roz Talegaa mujhe ma.aloom na thaa Aarzoo haan bhee haseenon kee nahin hotee hai In kee har baat hai dhokaa mujhe ma.aloom na thaa