wo kya likhtaa jise inkaar karte bhi hijaab aayaa

Wo kya likhtaa jise inkaar karte bhee hijaab aayaa Javaab-e-khat naheen aayaa to ye samjho javaab aayaa Qareeb-e-sub.h ye kah kar ajal ne aankh jhapkaa dee Are o hijr ke maare tujhe ab tak na khvaab aayaa Dil is awaaz ke sadqe ye mushkil men kahaa kis ne Na ghabraanaa na ghabraanaa main aayaa aur shitaab aayaa Koee qattaal-soorat dekh lee marne lage us par Ye maut ik khushnumaa parde men aa.ee yaa shabaab aayaa Puraane 'ahd TuuTe ho ga.e paimaan na.e qaa.em Banaa dee us ne Dunya doosree jo inqalaab aayaa Guzargaah-e-mohabbat ban ga.ee ik mustaqil bastee Lagaa kar aag aayaa ghar ko jo khaana-kharaab aayaa Mu'amma ban gaya raaz-e-mohabbat 'aarzoo' yoonhee Wo mujh se poochhte jhijhke mujhe kahte hijaab aayaa