wo sar e baam kab nahin aataa

Wo sar-e-baam kab nahin aataa Jab main hota hoon tab nahin aataa Bahr-e-taskeen wo kab nahin aataa Aitbaar aah ab nahin aataa Chup hai shikvon kee ek band kitaab Us se kahne kaa Dhab nahin aataa Un ke aage bhee dil ko chain nahin Be-adab ko adab nahin aataa Zakhm se kam nahin hai us kee hansee Jis ko ronaa bhee ab nahin aataa Munh ko aa jaataa hai jigar gham se Aur gila taa-ba-lab nahin aataa Bholee baaton pe teree dil ko yaqeen Pahle aataa tha ab nahin aataa Dukh wo deta hai us pe hai ye haal Lene jaataa hoon jab nahin aataa 'aarzoo' be-asar mohabbat chhoD Kyuun kare kaam jab nahin aataa