aankhon ne bahut din se qayaamat nahiin dekhii

Aankhon ne bahut din se qayaamat naheen dekhee Muddat huee achchhee koee soorat naheen dekhee Chehron kee tarah kis liye murjhaa.e hue hain Phoolon ne to ham jaisee museebat naheen dekhee Wo shahr se guzraa thaa faqat yaad hai utnaa Phir koee bhee dastaar salaamat naheen dekhee LauTe jo masaafat se to main us se ye poochhoon Bastee to koee raah men ghaarat naheen dekhee Girte hue patton kee sadaa.en mire dil se Kahtee hain ki too ne koee hijrat naheen dekhee