ajab din the ki in aankhon men koii khvaab rahtaa thaa
— Asad Badayuni
Ajab din the ki in aankhon men koee khvaab rahtaa thaa
Kabhee haasil hamen khas-khaana o barfaab rahtaa thaa
Ubharnaa Doobnaa ab kashtiyon kaa ham kahaan dekhen
Wo dariyaa kyaa huaa jis men sadaa girdaab rahtaa thaa
Wo sooraj so gayaa hai barf-zaaron men kaheen jaa kar
DhaDaktaa raat din jis se dil-e-betaab rahtaa thaa
Jise paDhte to yaad aataa thaa teraa phuul saa chehra
Hamaaree sab kitaabon men ik aisa baab rahtaa thaa
Suhaane mausamon men us kee tughyaanee qayaamat thee
Jo dariyaa garmiyon kee dhoop men paayaab rahtaa thaa