bichhad ke tujh se kisii duusre pe marnaa hai
— Asad Badayuni
BichhaD ke tujh se kisee doosre pe marnaa hai
Ye tajraba bhee isee zindagee men karnaa hai
Havaa darakhton se kahtee hai dukh ke lahje men
Abhee mujhe ka.ee sahraaon se guzarnaa hai
Main manzaron ke ghane-pan se khauf khaataa huun
Fanaa ko dast-e-mohabbat yahaan bhee dharnaa hai
Talaash-e-rizq men dariyaa ke panchhiyon kee tarah
Tamaam umr mujhe Doobnaa ubharnaa hai
Udaasiyon ke khad-o-khaal se jo vaaqif ho
Ik aise shakhs ko aksar talaash karnaa hai