hariif koii nahiin duusraa badaa meraa
— Asad Badayuni
Hareef koee naheen doosraa baDaa meraa
Sadaa mujhee se rahaa hai muqaabla meraa
Mire badan pe zamaanon kee zang hai lekin
Main kaise dekhoon shikasta hai aa.ina meraa
Mire khilaaf zamaana bhee hai zameen bhee hai
Munaafiqat ke mahaazon pe morcha meraa
Main kashtiyon ko jalaane se khauf khaataa naheen
Zamaana dekh chukaa hai ye hausla meraa
Mire savaal se har shakhs ko malaal huaa
Pe hal kiyaa na kisee ne bhee mas.ala meraa