kahte hain log shahr to ye bhii khudaa kaa hai
— Asad Badayuni
Kahte hain log shahr to ye bhee khudaa kaa hai
Manzar yahaan tamaam magar karbalaa kaa hai
Aate hain barg-o-baar darakhton ke jism par
Tum bhee uThaao haath ki mausam duaa kaa hai
Ghairon ko kya paDee hai ki rusvaa karen mujhe
In saazishon men haath kisee aashnaa kaa hai
Ab ham visaal-e-yaar se be-zaar hain bahut
Dil kaa jhukaav hijr kee jaanib balaa kaa hai
Ye kya kahaa ki ahl-e-junoon ab nahin rahe
'as.ad' jo tere shahr men banda khudaa kaa hai