khaak to ham bhii har ik dasht kii chhaane hue hain

Khaak to ham bhee har ik dasht kee chhaane hue hain Kuchh nayaa karne kee koshish men puraane hue hain Sabz mausam kaa pata jin se milaa kartaa thaa Teera-bakhton ke vahee shahr Thikaane hue hain Khaana-e-dil men abhee tak hain vahee log aabaad Jin ko ojhal hue aankhon se zamaane hue hain Tiir shaakhon men hain paivast parindon men naheen Kis shikaaree ke khataa itne nishaane hue hain Aab-o-gil hee kaa karishma lab-o-rukhsaar bhee hain Aisee kyaa baat hai kyuun aap divaane hue hain Roz mat maangiye miTTee kee mohabbat kaa suboot Ham to ye jism usee khaak kaa chhaane hue hain Sher bhee likhtaa huun aur ghar bhee chalaataa huun janaab Kab kisee bojh ke shaakee mire shaane hue hain