khushii bhii ab saraapaa gam lage hai
— Asad Badayuni
Khushee bhee ab saraapaa gham lage hai
Tavajjoh aap kee kuchh kam lage hai
Koee hamdam naheen duniyaa men lekin
Jise dekho vahee hamdam lage hai
Main huun majboor apne dil se mujh ko
Paraayaa gham bhee apnaa gham lage hai
Bahaaren hain chaman men gul ba-daamaan
Khizaan kaa saa magar mausam lage hai
Jidhar dekho udhar shabnam ke aansoo
Chaman kyaa hai saf-e-maatam lage hai
Har ik majboor se kah do ye 'as.ad'
Har ik maghroor kaa sar kham lage hai