kis ne koii sach likhaa hai ye faqat ilzaam hai
— Asad Badayuni
Kis ne koee sach likhaa hai ye faqat ilzaam hai
Shaa.iree mahroomiyon kaa khoobsoorat naam hai
Be-gharaz milne kee saaree mantiqen jhooTee hain yaar
Too jo aayaa hai to ab batlaa bhee de kyaa kaam hai
Ab ke maikhaane kee miTTee par koee dhabba naheen
Rind hain TuuTe hue haathon men saabit jaam hai
Ne shikoh-e-sarvaree hai ne jamaal-e-dilbaree
Dil kisee fir.aun-e-be-saamaan kaa ahraam hai