kuchh log jii rahe hain khudaa ke bagair bhii

Kuchh log jee rahe hain khudaa ke baghair bhee SannaaTe goonjte hain sadaa ke baghair bhee MiTTee kee mumlikat men numoo kee zakaat par Zinda hain peD aab-o-havaa ke baghair bhee Ye nafraton ke zard alaav na honge sard Phailegee aag tez havaa ke baghair bhee Rabt-o-ta.alluqaat kaa mausam naheen koee Baarish huee hai kaalee ghaTaa ke baghair bhee Duniyaa ke kaar-zaar men bachchon ko maaon ne Rukhsat kiyaa hai harf-e-duaa ke baghair bhee Khauf-e-khudaa men umr guzaaree to kyaa milaa Kuchh din jiyenge khauf-e-khudaa ke baghair bhee