kyon mujh ko ghanii chhaanv men marne nahiin detaa

Kyon mujh ko ghanee chhaanv men marne naheen detaa Kyon dhoop kee sarhad se guzarne naheen detaa Thaa meree uDaanon se pareshaan jo pahle Ab mujh ko zameenon pe utarne naheen detaa Sachchaa.ee kaa jaltaa huaa sooraj miraa dushman Aankhon men koee khvaab Thaharne naheen detaa Miltaa naheen ab pahle kee maanind wo lekin Zanjeer-e-ta'alluq bhee bikharne naheen detaa Andaaza naheen us ko zamaane kee havaa kaa Ahvaal bayaan bhee mujhe karne naheen detaa