merii nafrat bhii hai sheron men mire pyaar ke saath

Meree nafrat bhee hai sheron men mire pyaar ke saath Main ne likkhee hai ghazal jur.at-e-iz.haar ke saath Eqtidaar ek taraf ek taraf darveshee Donon cheezen naheen rah saktee hain fankaar ke saath Ik khalaa dil men bahut din se makeen hai ab to Yaad guzraa huaa mausam bhee naheen yaar ke saath Baadbaanon se ulajhtee hai havaa roz magar Kashtiyaan soee hain kis shaan se patvaar ke saath Shahr men jahl kee arzaanee hai lekin ab tak Main hee samjhauta naheen kartaa huun me.aar ke saath Mere ash.aar hain naaqid ke liye kuchh bhee naheen Dard ko main naheen likhtaa kabhee dushvaar ke saath