poshiida kyuun hai tuur pe jalva dikhaa ke dekh

Posheeda kyuun hai tuur pe jalva dikhaa ke dekh Ai dost meree taab-e-nazar aazmaa ke dekh Phoolon kee taazgee hee naheen dekhne kee chiiz KaanTon kee samt bhee to nigaahen uThaa ke dekh Letaa naheen kisee kaa pas-e-marg koee naam Duniyaa ko dekhnaa hai to duniyaa se jaa ke dekh Dil men hamaare dard zamaane kaa hai nihaan Paivast dil men saikDon paikaan jafaa ke dekh Jo baada-khvaar-e-gham hain unhen bhee kabhee kabhee Saaqee sharaab-e-husn ke saaghar pilaa ke dekh Ban jaa.egaa kabhee na kabhee dard hee davaa 'as.ad' ke dil men dard kee shiddat baDhaa ke dekh