sab ik charaag ke parvaane honaa chaahte hain

Sab ik charaagh ke parvaane honaa chaahte hain Ajiib log hain deevaane honaa chaahte hain Na jaane kis liye khushiyon se bhar chuke hain dil Makaan ab ye azaa-khaane honaa chaahte hain Wo bastiyaan ki jahaan phuul hain dareechon men Isee navaah men veeraane honaa chaahte hain Takallufaat kee nazmon kaa silsila hai sivaa Ta.alluqaat ab afsaane honaa chaahte hain Junoon kaa zom bhee rakhte hain apne zehn men ham PaDe jo vaqt to farzaane honaa chaahte hain