sach bol ke bachne kii rivaayat nahiin koii
— Asad Badayuni
Sach bol ke bachne kee rivaayat naheen koee
Aur mujh ko shahaadat kee zaroorat naheen koee
Main rizq kee aavaaz pe labbaik kahoongaa
Haan mujh ko zameenon se mohabbat naheen koee
Mere bhee ka.ee khvaab the mere bhee ka.ee azm
Haalaat se inkaar kee soorat naheen koee
Main jis ke liye saare zamaane se khafaa thaa
Ab yuun hai ki us naam se nisbat naheen koee
Lahja hai miraa talkh mire vaar hain bharpoor
Lekin mere siine men kudoorat naheen koee