safar bhii koii na ho rahguzar bhii koii na ho
— Asad Badayuni
Safar bhee koee na ho rahguzar bhee koee na ho
Hamaare ba.ad kharaab is qadar bhee koee na ho
Sab us hujoom men gum honaa chaahte hain jahaan
Pataa-Thikaana bhee khair-o-khabar bhee koee na ho
Khudaa wo din na dikhaa.e ki in dayaaron men
Sab aankhen rakhte huun aur deeda-var bhee koee na ho
Zamaana kaash na aa.e ki phuul phal ke baghair
Faqat gharon kaa ho jangal shajar bhee koee na ho
Zameen na bain kare mehrbaan maan kee tarah
Karo kuchh aisa kisee kaa zarar bhee koee na ho
Phir us jahaan men kaise rahen kahaan jaa.en
Vatan bhee koee na ho aur ghar bhee koee na ho
Hamen zameen pe utaaraa gayaa zavaal ke vaqt
Yahee bajaa hai to phir nauhagar bhee koee na ho