shaakh se phuul se kya us kaa pata puuchhtii hai

Shaakh se phuul se kya us kaa pata poochhtee hai Yaa phir is dasht men kuchh aur havaa poochhtee hai Main to zakhmon ko khudaa se bhee chhupaanaa chaahoon Kis liye haal miraa khalq-e-khudaa poochhtee hai Chashm-e-inkaar men iqraar bhee ho saktaa thaa ChheDne ko mujhe phir meree anaa poochhtee hai Tez aandhee ko na fursat hai na ye shauq-e-fuzool Haal ghunchon kaa mohabbat se sabaa poochhtee hai Kisee sahraa se guzartaa hai koi naaqa-savaar Aur mizaaj us kaa havaa sab se judaa poochhtee hai