sukhan varii kaa bahaana banaataa rahtaa huun
— Asad Badayuni
Sukhan-varee kaa bahaana banaataa rahtaa huun
Tiraa fasaana tujhee ko sunaataa rahtaa huun
Main apne aap se sharminda huun na duniyaa se
Jo dil men aataa hai honTon pe laataa rahtaa huun
Puraane ghar kee shikasta chhaton se uktaa kar
Na.e makaan kaa naqsha banaataa rahtaa huun
Mire vajood men aabaad hain ka.ee jangal
Jahaan main hoo kee sadaa.en lagaataa rahtaa huun
Mire khudaa yahee masroofiyat bahut hai mujhe
Tire charaagh jalaataa bujhaataa rahtaa huun