tiraa visaal hai behtar ki teraa kho jaanaa
— Asad Badayuni
Tiraa visaal hai behtar ki teraa kho jaanaa
Na jaagnaa hee mayassar mujhe na so jaanaa
Ye sab fareb hai main kya huun meree chaahat kya
Jo ho sake to miree tarah too bhee ho jaanaa
Hansee men zakhm chhupaane kaa fan bhee zinda hai
Isee khayaal se seekhaa na main ne ro jaanaa
Udaas shahr men zinda-dilee kee qeemat kya
Bajaa hai meree hansee kaa ghubaar ho jaanaa
Haseen tujh se ziyaada bhee hain zamaane men
Buraa hai aankh kaa paaband-e-rang ho jaanaa