vaqt ik dariyaa hai dariyaa sab bahaa le jaaegaa

Vaqt ik dariyaa hai dariyaa sab bahaa le jaa.egaa Ham magar tinke hain ham tinkon se kyaa le jaa.egaa Ik ajab aashob hai kyuun bastiyon men jalvagar Kyaa ye har insaan se khauf-e-khudaa le jaa.egaa Hai to khursheed-e-haqeeqat par baDaa be-mehr hai Dil se jazbe aankh se aansoo churaa le jaa.egaa Boriye par baiThne kaa lutf hee kuchh aur hai Shahryaar-e-asr is takiye se kyaa le jaa.egaa Har guzargaah-e-tamannaa par bahut see gard hai Lekin is ko ek hee jhonkaa uDaa le jaa.egaa Aafiyat ke daa.eron men yaar saare band hain Koee mausam koee toofaan us se kyaa le jaa.egaa