wo ek naam jo dariyaa bhii hai kinaaraa bhii

Wo ek naam jo dariyaa bhee hai kinaaraa bhee Rahaa hai us se bahut raabta hamaaraa bhee Chaman vahee ki jahaan par labon ke phuul khilen Badan vahee ki jahaan raat ho gavaaraa bhee Hamen bhee lamha-e-rukhsat se haul aataa hai Judaa huaa hai koee mehrbaan hamaaraa bhee Alaamat-e-shajar-e-saaya-daar bhee wo jism Kharaabi-e-dil-o-deeda kaa isti.aara bhee Ufuq thakan kee ridaa men lipaTtaa jaataa hai So ham bhee chup hain aur is shaam kaa sitaaraa bhee