wo log bhii kaise log hain jo koii baat fuzuul nahiin karte
— Asad Badayuni
Wo log bhee kaise log hain jo koee baat fuzool naheen karte
Ye saare qisse jhooTe hain ham in ko qubool naheen karte
Tumhen 'ilm naheen hai yaqeen karo main qareeb se jaantaa huun un ko
Kuchh saudaagar aise bhee hain jo qarz vasool naheen karte
Main patthar le kar baiThaa huun aur is bastee ke daanaa ab
Kyuun kaar-e-sheesha-garee kar ke mujh ko mashghool naheen karte
Kisee ran men saath husain kaa den kis nahr se paanee le aa.en
Is shahr ke saare nauhagar koee aisee bhuul naheen karte
Mire naam ke harf chamakte hain lekin ye chamak hai sho'lon kee
Main ek aisee sachchaa.ee huun jise log qubool naheen karte
Mujhe bhuul ke naadim mat honaa ai aglee naslon ke bachcho
Haan apne buzurgon kaa maatam kabhee taaza phuul naheen karte