ye zinda rehne kaa mausam guzar na jaae kahiin

Ye zinda rehne kaa mausam guzar na jaa.e kaheen Ab aa bhee jaao dil-e-zaar mar na jaa.e kaheen Miraa sitaaraa to ab tak nazar nahin aayaa Main Dar rahaa huun ki ye shab guzar na jaa.e kaheen Nadee kinaare khaDaa peD soch men gum hai Koi bhanvar use barbaad kar na jaa.e kaheen Parinde apne Thikaanon ko khair se pahunche Duaa yahee hai ki koi Thahar na jaa.e kaheen Gilaa bhee khud se hai aur silsila bhee khud se hai Hamaaree baat idhar se udhar na jaa.e kaheen