kamaal e ishq hai diivaana ho gaya hoon main

Kamaal-e-ishq hai deevaana ho gaya hoon main Ye kis ke haath se daaman chhuDaa raha hoon main Tumheen to ho jise kahtee hai naakhudaa Dunya Bachaa sako to bachaa lo ki Doobtaa hoon main Ye mere ishq kee majbooriyaan ma.aaz-allaah Tumhaaraa raaz tumheen se chhupaa raha hoon main Is ik hijaab pe sau be-hijaabiyaan sadqe Jahaan se chaahtaa hoon tum ko dekhtaa hoon main Bataane vaale vaheen par bataate hain manzil Hazaar baar jahaan se guzar chukaa hoon main Kabhee ye zom ki too mujh se chhup naheen saktaa Kabhee ye vahm ki khud bhee chhupaa huaa hoon main Mujhe sune na koee mast-e-baaada-e-ishrat 'majaaz' TuuTe hue dil kee ik sadaa hoon main