partav e saagar e sahbaa kya thaa
— Asrarul Haq Majaz
Partav-e-saaghar-e-sahbaa kya thaa
Raat ik hashr saa barpaa kya thaa
Kyuun javaanee kee mujhe yaad aa.ee
Main ne ik khvaab saa dekhaa kya thaa
Husn kee aankh bhee namnaak huee
Ishq ko aap ne samjhaa kya thaa
Ishq ne aankh jhukaa lee varna
Husn aur husn kaa pardaa kya thaa
Kyuun 'majaaz' aap ne saaghar toDaa
Aaj ye shahr men charchaa kya thaa