taskiin e dil e mahzuun na huii wo sai e karam farmaa bhi gae

Taskeen-e-dil-e-mahzoon na huee wo sa.i-e-karam farmaa bhee ga.e Is sa.i-e-karam ko kya kahiye bahlaa bhee ga.e taDpaa bhee ga.e Ham arz-e-wafa bhee kar na sake Kuch kah na sake Kuch sun na sake Yaan ham ne zabaan hee kholee thee vaan aankh jhukee sharmaa bhee ga.e Aashuftagee-e-vahshat kee qasam hairat kee qasam hasrat kee qasam Ab aap kahen Kuch yaa na kahen ham raaz-e-tabassum paa bhee ga.e Roodaad-e-gham-e-ulfat un se ham kya kahte kyoonkar kahte Ik harf na niklaa honTon se aur aankh men aansoo aa bhee ga.e Arbaab-e-junoon par furqat men ab kya kahiye kya kya guzree Aa.e the savaad-e-ulfat men Kuch kho bhee ga.e Kuch paa bhee ga.e Ye rang-e-bahaar-e-aalam hai kyuun fikr hai tujh ko ai saaqee Mahfil to tiree suunee na huee Kuch uTh bhee ga.e Kuch aa bhee ga.e Us mahfil-e-kaif-o-mastee men us anjuman-e-irfaanee men Sab jaam-ba-kaf baiThe hee rahe ham pee bhee ga.e chhalkaa bhee ga.e