mere andar ek dastak sii kahiin hotii rahii
— Aziz Bano Darab Wafa
Mere andar ek dastak see kaheen hotee rahi
Zindagee oDhe hue main be-khabar sotee rahi
Koee mausam meree ummeedon ko raas aayaa naheen
Fasl andhiyaaron kee kaaTee aur diye botee rahi
Kahne vaalaa khud to sar takiye pe rakh kar so gaya
Meree be-chaaree kahaanee raat bhar rotee rahi
Raaste men is qadar yaadon ke doraahe paDe
Aaj maazee kee saDak har moD par khotee rahi