nikalnaa khud se mumkin hai na mumkin vaapsii meri
— Aziz Bano Darab Wafa
Nikalnaa khud se mumkin hai na mumkin vaapsee meree
Mujhe ghere hue hai har taraf se be-rukhee meree
Bujhaa ke rakh gaya hai kaun mujh ko taaq-e-nisyaan par
Mujhe andar se phoonke de rahi hai raushnee meree
Main khawabon ke mahal kee chhat se gir ke khud-kushee kar luun
Haqeeqat se agar mumkin nahin hai dostee meree
Main apne jism ke murda ajaa.ib-ghar kee zeenat hoon
Mujhe deemak kee soorat chaaTtee hai zindagee meree