zindagii ke saare mausam aa ke rukhsat ho gae
— Aziz Bano Darab Wafa
Zindagee ke saare mausam aa ke rukhsat ho ga.e
Meree aankhon men kaheen barsaat baaqee rah ga.ee
Aas kaa sooraj to saaree zindagee niklaa magar
Din ke andar jaane kaise raat baaqee rah ga.ee
Aa.eena-khaana banaa ke jis ne toDaa thaa mujhe
Meree kirchon men usee kee zaat baaqee rah ga.ee
Meraa ik ik lafz mujh se chheen kar wo le gaya
Jis ke kaaran aaj tak wo baat baaqee rah ga.ee