bharii hai dil men jo hasrat kahuun to kis se kahuun

Bharee hai dil men jo hasrat kahoon to kis se kahoon Sune hai kaun museebat kahoon to kis se kahoon Jo too ho saaf to Kuch main bhee saaf tujh se kahoon Tire hai dil men kudoorat kahoon to kis se kahoon Na kohkan hai na majnoon ki the mire hamdard Main apna dard-e-mohabbat kahoon to kis se kahoon Dil us ko aap diyaa aap hee pashemaan hoon Ki sach hai apnee nadaamat kahoon to kis se kahoon Kahoon main jis se use hove sunte hee vahshat Phir apna qissa-e-vahshat kahoon to kis se kahoon Raha hai too hee to gham-khvaar ai dil-e-gham-gheen Tire sivaa gham-e-furqat kahoon to kis se kahoon Jo dost ho to kahoon tujh se dostee kee baat Tujhe to mujh se adaavat kahoon to kis se kahoon Na mujh ko kahne kee taaqat kahoon to kya ahvaal Na us ko sunne kee fursat kahoon to kis se kahoon Kisee ko dekhtaa itnaa naheen haqeeqat men 'zafar' main apnee haqeeqat kahoon to kis se kahoon