dekh dil ko mire o kaafir e be piir na tod

Dekh dil ko mire o kaafir-e-be-peer na toD Ghar hai allaah kaa ye is kee to ta.ameer na toD Ghul sadaa vaadee-e-vahshat men rakhoongaa barpaa Ai junoon dekh mire paanv kee zanjeer na toD Dekh Tuk ghaur se aa.eena-e-dil ko mere Is men aataa hai nazar aalam-e-tasveer na toD Taaj-e-zar ke liye kyuun sham' kaa sar kaaTe hai Rishta-e-ulfat-e-parvaana ko gul-geer na toD Apne bismil se ye kahtaa thaa dam-e-naz.a wo shokh Thaa jo Kuch ahd so o aashiq-e-dil-geer na toD Raqs-e-bismil kaa tamaashaa mujhe dikhlaa koee dam Dast o paa maar ke dam too tah-e-shamsheer na toD Saham kar ai 'zafar' us shokh kamaan-daar se kah Kheench kar dekh mire siine se too tiir na toD