gaii yak ba yak jo havaa palat nahin dil ko mere qaraar hai

Ga.ee yak-ba-yak jo havaa palaT nahin dil ko mere qaraar hai Karoon us sitam ko main kya bayaan miraa gham se siina figaar hai Ye re.aayaa-e-hind tabah huee kahoon kya jo in pe jafaa huee Jise dekhaa haakim-e-vaqt ne kahaa ye bhee qaabil-e-daar hai Ye kisee ne zulm bhee hai sunaa ki dee phaansee logon ko be-gunaah Vahee kalma-goyon kee samt se abhee dil men un ke bukhaar hai Na thaa shahr-e-dehlee ye thaa chaman kaho kis tarah kaa thaa yaan aman Jo khitaab thaa wo miTaa diyaa faqat ab to ujDaa dayaar hai Yahee tang haal jo sab kaa hai ye karishma qudrat-e-rab kaa hai Jo bahaar thee so khizaan huee jo khizaan thee ab wo bahaar hai Shab-o-roz phuul men jo tule kaho khaar-e-gham ko wo kya sahe Mile tauq qaid men jab unhen kahaa gul ke badle ye haar hai Sabhee jaada maatam-e-sakht hai kaho kaisee gardish-e-bakht hai Na wo taaj hai na wo takht hai na wo shaah hai na dayaar hai Jo sulook karte the aur se vahee ab hain kitne zaleel se Wo hain tang charkh ke jaur se raha tan pe un ke na taar hai Na vabaal tan pe hai sar miraa nahin jaan jaane kaa Dar zaraa KaTe gham hi, nikle jo dam miraa mujhe apnee zindagee baar hai Kya hai gham 'zafar' tujhe hashr kaa jo khuda ne chaahaa to barmalaa Hamen hai vaseela rasool kaa wo hamaaraa haamee-e-kaar hai