hai dil ko jo yaad aaii falak e piir kisi ki

Hai dil ko jo yaad-e-falak-e-peer kisee kee Aankhon ke tale phirtee hai tasveer kisee kee Girya bhee hai naala bhee hai aur aah-o-fughaan bhee Par dil men huee us ke na taaseer kisee kee Haath aa.e hai kya khaak tire khaak-e-kaf-e-paa Jab tak ki na qismat men ho ikseer kisee kee Yaaro wo hai bigDaa huaa baaten na banaao Kuch pesh nahin jaane kee taqreer kisee kee Naazaan na ho mun.im ki jahaan teraa mahal hai Hovegee yahaan pahle bhee ta.ameer kisee kee Meree girah-e-dil na khulee hai na khulegee Jab tak na khule zulf-e-girah-geer kisee kee Aataa bhee agar hai to wo phir jaa.e hai ulTaa Jis vaqt ulaT jaa.e hai taqdeer kisee kee Is abroo o mizhgaan se 'zafar' tez ziyaada Khanjar na kisee kaa hai na shamsheer kisee kee Jo dil se udhar jaa.e nazar dil ho giraftaar Mujrim ho koi aur ho taqseer kisee kee