ham ye to nahin kahte ki gam kah nahin sakte

Ham ye to naheen kahte ki gham kah naheen sakte Par jo sabab-e-ghum hai wo ham kah naheen sakte Ham dekhte hain tum men khuda jaane buto kya Is bhed ko allaah kee qasam kah naheen sakte Rusvaa-e-jahaan kartaa hai ro ro ke hamen too Ham Kuch tujhe ai deeda-e-nam kah naheen sakte Kya poochhtaa hai ham se too ai shokh sitamgar Jo too ne kiye ham pe sitam kah naheen sakte Hai sabr jinhen talkh-kalaamee ko tumhaaree Sharbat hee bataate hain wo sam kah naheen sakte Jab kahte hain Kuch baat rukaavaT kee tire ham Ruk jaataa hai ye siine men dam kah naheen sakte Allaah re tiraa ro'b ki ahvaal-e-dil apna De dete hain ham kar ke raqam kah naheen sakte Tubaa-e-bahishtee hai tumhaaraa qad-e-ra.anaa Ham kyoonkar kahen sarv-e-iram kah naheen sakte Jo ham pe shab-e-hijr men us maah-e-laqaa ke Guzre hain 'zafar' ranj-o-alam kah naheen sakte