hijr ke haath se ab khaak pade jiine men
— Bahadur Shah Zafar
Hijr ke haath se ab khaak paDe jiine men
Dard ik aur uThaa aah nayaa siine men
Khoon-e-dil piine se jo Kuch hai halaavat ham ko
Ye mazaa aur kisee ko naheen mai piine men
Dil ko kis shakl se apne na musaffaa rakkhoon
Jalva-gar yaar kee soorat hai is aa.eene men
Ashk o lakht-e-jigar aankhon men naheen hain mere
Hain bhare laal o guhar ishq ke ganjeene men
Shakl-e-aa.eena 'zafar' se to na rakh dil men khayaal
Kuch mazaa bhee hai bhalaa jaan miree lene men