hote hote chashm se aaj ashk baarii rah gaii

Hote hote chashm se aaj ashk-baaree rah ga.ee Aabroo baare tiree abr-e-bahaaree rah ga.ee Aate aate is taraf un kee savaaree rah ga.ee Dil kee dil men aarzoo-e-jaan-nisaaree rah ga.ee Ham ko khatra thaa ki logon men thaa charchaa aur Kuch Baat khat aane se tere par hamaaree rah ga.ee TukDe TukDe ho ke uD jaa.egaa sab sang-e-mazaar Dil men ba.ad-az-marg Kuch gar be-qaraaree rah ga.ee Itnaa miliye khaak men jo khaak men DhoonDe koi Khaaksaaree khaak kee gar khaaksaaree rah ga.ee Aao gar aanaa hai kyuun gin gin ke rakhte ho qadam Aur koi dam kee hai yaan dam-shumaaree rah ga.ee Ho gaya jis din se apne dil par us ko ikhtiyaar Ikhtiyaar apna gaya be-ikhtiyaaree rah ga.ee Jab qadam us kaafir-e-bad-kesh kee jaanib baDhe Duur pahunche sau qadam parhez-gaaree rah ga.ee Kheenchte hee tegh adaa ke dam huaa apna havaa Aah dil men aarzoo-e-zakhm-e-kaaree rah ga.ee Aur to gham-khvaar saare kar chuke gham-khvaargee Ab faqat hai ek gham kee gham-gusaaree rah ga.ee Shikva ayyaaree kaa yaaron se bajaa hai ai 'zafar' Is zamaane men yahee hai rasm-e-yaaree rah ga.ee