jab kabhi Dariya men hote saya afgan aap hain

Jab kabhi Dariya men hote saya-afgan aap hain Fils-e-maahee ko bataate maah-e-raushan aap hain Siite hain sozan se chaak-e-seena kya ai chaarasaaz Khaar-e-gham siine men apne misl-e-sozan aap hain Pyaar se kar ke hamaa.il ghair kee gardan men haath Maarte tegh-e-sitam se mujh ko gardan aap hain Kheench kar aankhon men apnee surma-e-dumbaala-daar Karte paidaa sehr se nargis men sosan aap hain Dekh kar sahraa men mujh ko pahle ghabraayaa thaa qais Phir jo pahchaanaa to bolaa hazrat-e-man aap hain Jee dhaDaktaa hai kaheen taar-e-rag-e-gul chubh na jaa.e Sej par phoolon kee karte qasd-e-khuftan aap hain Kya mazaa hai tegh-e-qaatil men ki aksar said-e-ishq Aan kar us par ragaDte apnee gardan aap hain Mujh se tum kya poochhte ho kaise hain ham kya kahen Jee hee jaane hai ki jaise mushfiq-e-man aap hain Pur-ghuroor o pur-takabbur pur-jafaa o pur-sitam Pur-fareb o pur-daghaa pur-makr o pur-fan aap hain Zulm-pesha zulm-sheva zulm-raan o zulm-dost Dushman-e-dil dushman-e-jaan dushman-e-tan aap hain Yakka-taaz o neza-baaz o arbada-joo tund-khoo Tegh-zan dashna-guzaar o naavak-afgan aap hain Tasma-kash taraaz o ghaarat-gar taaraaj-saaz Kaafir yaghmaa.ee o qazzaaq rahzan aap hain Fitna-joo bedaad-gar saffaak o azlam keena-var Garm-jang o garm-qatl o garm-kushtan aap hain Bad-mizaaj o bad-dimaagh va bad-shi.aar o bad-sulook Bad-tareeq o bad-zabaan bad-ahd o bad-zan aap hain Be-muravvat bevafaa naa-mehrbaan naa-aashnaa Mere qaatil mere haasid mere dushman aap hain Ai 'zafar' kya paa-e-qaatil ke hai bose kee havas Yuun jo bismil ho ke sargarm-e-tapeedan aap hain