kya Kuch na kiyaa aur hain kya Kuch nahin karte

Kya Kuch na kiyaa aur hain kya Kuch naheen karte Kuch karte hain aisa ba-khuda Kuch naheen karte Apne maraz-e-gham kaa hakeem aur koee hai Ham aur tabeebon kee davaa Kuch naheen karte Maaloom naheen ham se hijaab un ko hai kaisaa Auron se to wo sharm o hayaa Kuch naheen karte Go karte hain zaahir ko safaa ahl-e-kudoorat Par dil ko naheen karte safaa Kuch naheen karte Wo dilbaree ab tak miree Kuch karte hain lekin Taaseer tire naale dilaa Kuch naheen karte Dil ham ne diyaa thaa tujhe ummeed-e-wafa par Tum ham se naheen karte wafa Kuch naheen karte Karte hain wo is tarah 'zafar' dil pe jafaa.en Zaahir men ye jaano ki jafaa Kuch naheen karte