lagtaa nahin hai dil miraa ujde dayaar men
— Bahadur Shah Zafar
Lagtaa naheen hai dil miraa ujDe dayaar men
Kis kee banee hai aalam-e-naa-paa.edaar men
In hasraton se kah do kaheen aur jaa basen
Itnee jagah kahaan hai dil-e-daagh-daar men
KaanTon ko mat nikaal chaman se o baaghbaan
Ye bhee gulon ke saath pale hain bahaar men
Bulbul ko baaghbaan se na sayyaad se gila
Qismat men qaid likkhee thee fasl-e-bahaar men
Kitnaa hai bad-naseeb 'zafar' dafn ke liye
Do gaz zameen bhee na milee koo-e-yaar men