na do dushnaam ham ko itnii bad khuuii se kya haasil

Na do dushnaam ham ko itnee bad-khooee se kya haasil Tumhen denaa hee hogaa bosa kham-rooee se kya haasil Dil-aazaaree ne teree kar diyaa bilkul mujhe be-dil Na kar ab meree dil-jooee ki dil-jooee se kya haasil Na jab tak chaak ho dil phaans kab dil kee nikaltee hai Jahaan ho kaam khanjar kaa vahaan suuee se kya haasil Buraa.ee yaa bhalaa.ee go hai apne vaaste lekin Kisee ko kyuun kahen ham bad ki bad-gooee se kya haasil Na kar fikr-e-khizaab ai shaikh too piiree men jaane de Javaan honaa naheen mumkin siyah-rooee se kya haasil ChaDhaa.e aasteen khanjar-ba-kaf wo yuun jo phirtaa hai Use kya jaane hai us arbada-jooee se kya haasil 'abas pamba na rakh daagh-e-dil-e-sozaan pe too mere Ki angaare pe hogaa chaaragar ruuee se kya haasil Shameem-e-zulf ho us kee to ho farhat mire dil ko Sabaa hovegaa mushk-e-cheen kee khushbooee se kya haasil Na hove jab talak insaan ko dil se mel-e-yak-jaanib 'zafar' logon ke dikhlaane ko yaksooee se kya haasil