na durveshon kaa khirqa chaahiye na taaj e shaahaanaa

Na darveshon kaa khirqa chaahiye na taaj-e-shaahaanaa Mujhe to hosh de itnaa rahoon main tujh pe deevaanaa Kitaabon men dharaa hai kya bahut likh likh ke dho Daaleen Hamaare dil pe naqsh-e-kal-hajar hai teraa farmaanaa Ghaneemat jaan jo dam guzre kaifiyyat se gulshan men Diye jaa saaqee-e-paimaan-shikan bhar bhar ke paimaanaa Na dekhaa wo kaheen jalva jo dekhaa khaana-e-dil men Bahut masjid men sar maaraa bahut saa DhoonDaa but-khaanaa Kuch aisa ho ki jis se manzil-e-maqsood ko pahunchoon Tareeq-e-paarsaa.ee hove yaa ho raah-e-rindaanaa Ye saaree aamad-o-shud hai nafas kee aamad-o-shud par Isee tak aanaa jaanaa hai na phir jaanaa na phir aanaa 'zafar' wo zaahid-e-bedard kee hoo-haq se behtar hai Kare gar rind dard-e-dil se haav-hoo-e-mastaanaa