na us kaa bhed yaarii se na ayyaarii se haath aayaa

Na us kaa bhed yaaree se na 'ayyaaree se haath aayaa Khuda aagaah hai dil kee khabardaaree se haath aayaa Na hon jin ke Thikaane hosh wo manzil ko kya pahunche Ki rasta haath aayaa jis kee hushyaaree se haath aayaa Huaa haq men hamaare kyuun sitamgar aasmaan itnaa Koi poochhe ki zaalim kya sitamgaaree se haath aayaa Agarche maal-e-Dunya haath bhee aayaa hareeson ke To dekhaa ham ne kis kis zillat-o-khvaaree se haath aayaa Na kar zaalim dil-aazaaree jo dil manzoor hai lenaa Kisee kaa dil jo haath aayaa to dildaaree se haath aayaa Agarche khaaksaaree keemiyaa kaa sahl nuskha hai Va-lekin haath aayaa jis ke dushvaaree se haath aayaa Huee hargiz na tere chashm ke beemaar ko sehhat Na jab tak zahr tere khatt-e-zangaaree se haath aayaa Koi ye vahshi-e-ram-deeda tere haath aayaa thaa Par ai sayyaad-vash dil kee giraftaaree se haath aayaa 'zafar' jo do jahaan men gauhar-e-maqsood thaa apna Janaab-e-fakhr-e-deen kee wo madad-gaaree se haath aayaa